له‌زه‌ریاوه‌لێت ده‌ڕوانم

خورماڵی( [e-mail] )

له‌زه‌ریاوه‌

له‌په‌نجه‌ره‌سه‌وزه‌کانی
ناو ئاوه‌وه‌لێت ده‌ڕوانم
له‌پشت کێڵگه‌کانی ماسی و (لم)ا‌وه وه‌
له‌قه‌ڵاجوجکانی دوورگه‌شینه‌کانی خواوه‌
له‌پشت پێکه‌نینی ڕۆژئاواوه‌لێت ده‌ڕوانم‌!
له‌زه‌ریاوه‌لێت ده‌ڕوانم
له‌ووڵاتی پڕ قه‌یاغ و پڕ فریشته ‌و یاسمینه‌وه‌
له‌مه‌مله‌که‌تی مه‌لاک و کۆنه‌جه‌لاده‌وه‌لێت ده‌ڕوانم !
له‌پشت قه‌ڵای مه‌م و ڕووتبوونه‌وه‌و ئاشتیی وه‌لێت ده‌ڕوانم !
له‌هه‌ر کوێوه‌لێت بڕوانم ئه‌ی نیشتیمان
له‌کن دڵم
بۆنی که‌له‌وه‌کانی تۆ
یه‌کسانن‌به‌بۆنی کوچه‌کانی ناو پاریس و
یه‌کسانن به ‌بۆنی پارکه‌مه‌کراوییه‌کانی به‌ڕلین و
به‌سه‌ما شیرینه‌کانی فلامینگۆ
به‌ئێواره‌زه‌رده‌کانی مه‌درید !
له‌هه‌ر کوێوه‌لێت بڕوانم ئه‌ی نیشتیمان
له ‌کن دڵم ، بۆنی که‌لاوه‌کانی تۆ
یه‌کسانن به‌مه‌‌وجه‌سه‌وزه‌کانی ناو سامۆس و
یه‌کسانن به‌قه‌ڵا سه‌وزه‌کانی ئه‌کرۆپولی و
به‌مه‌کری که‌نیشکه‌کانی ڕۆما و سۆفیا !
له‌هه‌رکوێوه‌لێت بڕوانم
ئه‌ی نیشتیمان
له‌هێڵه‌کێکی گه‌وره‌ی عیشقا ،
دانی چه‌ته‌و دانی خه‌مخۆرانت ‌جودا دێنم !
کێم و زه‌ڵمت جودا دێنم !
غه‌زه‌ب و ده‌هر و بێده‌نگیت جودا دێنم !
جه‌لاد و فیرعه‌ونت جودا دێنم !
له‌هه‌ر کوێوه‌لێت بڕوانم
گوناه و خه‌تا و کڵۆڵیت جودا دێنم !
لاس و شه‌م و شه‌هوه‌ت بازت جودا دێنم !
له‌هه‌رکوێبم ئه‌ی نیشتیمان
‌تا به‌پیریدا ڕۆچم من
تۆ به‌مناڵیما ده‌ڕۆی !!
‌تا به‌پایزدا ڕۆچم من
تۆ به‌به‌هارما ده‌ڕۆی !!
له‌ هه‌رکوێبم ئه‌ی نیشتیمان ، ئامانت بم
به‌خڵه‌تانی ئه‌م سه‌فه‌ره‌نه‌عله‌تیه‌م تێ مه‌که‌وه‌و
یه‌قین به‌م ڕۆژه‌زه‌ردانه‌م مه‌که‌
له‌هه‌ر کوێ بم ، له‌هه‌ر کوێ بی
له ‌ئاونگێکی سپیده‌ی تۆدا هه‌ڵاژاوم
وه‌کو ڕه‌شکه‌له‌ناو نانی ،
مناڵێکی تۆدا هه‌ڵاژاوم
له‌هه‌رکوێبم ڕژانم له‌ناو خوێن و
پشکۆم له‌ئاگر و ئه‌شکم له‌ناو چاوتا !
له‌هه‌رکوێبم
قه‌ڵه‌مێکی
چاوکرواوه‌ی ناو ڕۆژنامه‌کانی تۆم !
له‌هه‌ر کوێبم ،
له‌ئاگرتا په‌ڵه‌ی تێر په‌ڵه‌ی بارانم و
له‌بارانتا ، چڵی ئاگر ، چڵی سووتان
کزه ‌و ڕه‌شه‌بای گه‌رم بوونه‌وه‌تانم !
عه‌جه‌ب لاتان
دڵدارانی نیشتیمانی گه‌نم و ئاو عه‌جه‌ب لاتان
هه‌تا ئێستا به‌م پیری ناو فیرقه‌ته‌وه‌
ڕۆژێ ڕووم له‌ئاسکه‌کانی غه‌ریبی وه‌رنه‌گێڕواه‌و
ڕیشۆڵه‌ی ئه‌م قه‌ڵه‌مه‌عه‌یاره‌ی خۆتان
ئێواره‌یه‌ک خۆی نه‌کرده‌وه‌به‌ماڵی به‌فرتانا
ئێواره‌یه‌ک ، قاپی سایه‌ی
ئاله‌و شه‌ربه‌شه‌رابانه‌
کڵۆم نه‌دا و نه‌هاته‌وه‌
نه‌هاته‌وه‌و ئێواره‌یه‌ک
تاوێ مه‌کرو تاوێ عه‌تری
شیعرتان لێ هه‌ڵپرژێنێ !
عه‌جه‌ب لاتان یاران عه‌جه‌ب لاتان
کوڕی زه‌ڵمه‌ و هه‌ر ڕۆژێ نه‌لوا ،
نه‌لوا
به‌و هه‌موو مه‌له‌وانییه‌وه‌
وه‌ک با به‌ناو عیشوه‌ی داره‌کاندا
بگا‌ته‌وه‌‌‌دڵدانه‌وه‌ی شکۆفه‌کان !
بگا‌ته‌‌وه‌شکۆفه‌ڕووته‌ڵه‌کانی گه‌ڕه‌کی با و
بگاته‌وه‌‌گۆڕیچه‌کانی دڵۆپه‌له‌سه‌ر زه‌وی !
عه‌جه‌ب لاتان
دڵدارانی نیشتیمانی گه‌نم و ئاو
ڕۆژێ نه‌لوا
ده‌می شه‌ربه‌ی سه‌فه‌رم قڵپ بێته‌وه‌و
سپیده‌یه‌ک بڕژێمه‌وه ناو گه‌نجان و‌
زه‌رده‌په‌ڕێ بخزێمه‌وه‌ژێرلێفه‌که‌ی گوڵ عومه‌ر و
هه‌ر فرسه‌خێ له‌دامێنی (جۆگه‌ی شێخ)*دا
وه‌ک ئه‌و که‌نیشکانه‌ی ئه‌وێ
که‌چاویان له‌گه‌ڵای لیمۆ سه‌وزتره‌و
وه‌ک ئه‌م که‌نیشکانه‌ی ئێره
به‌سوورپۆشییه‌کی ئاڵ و شیرینه‌وه‌‌
‌شه‌راوی سوور
به‌دیار چاوی ته‌یره‌کانه‌وه‌هه‌ڵده‌ده‌ن
پێک ده‌ڕۆن و شه‌ڕبه‌گڕ و
شه‌ڕ به ‌ڕووته‌نی ده‌فرۆشن !
پێک ده‌ڕۆن و
له ‌شۆڕشی مه‌مان چاو ده‌گێڕن
له‌ئازادی چڵه‌گه‌نمه‌کانی له‌شیان
له‌حه‌ڵاڵ کردنه‌وه‌ی ماچه‌حه‌رامه‌کان !
پێک ده‌ڕۆن و
له‌شۆڕشی مه‌مان چاو ده‌گێڕن
له‌شاد بوونه‌وه‌ی سروودی باران ،
ئاوه‌دانکردنه‌وه‌ی ماڵه‌کانی غووربه‌ت
ته‌ڕبوونه‌وه‌به‌گۆرانییه‌کانی عیشق و
هه‌ڵچوونه‌وه‌له‌مه‌ست بوونه‌وه‌ی ئێواران !
پێک ده‌ڕۆن و
له‌شۆڕشی مه‌مان چاو ده‌گێڕن
له‌تل بوونه‌وه‌یان له‌سه‌رێ ، بۆشیوی حیکایه‌ته‌کان
حیکایه‌تی دزه‌کانی کۆڵانی مانگ
حیکایه‌تی سێوه‌کانی لای شیرین
بۆسه‌ی به‌رده‌م فڕینی په‌ڕه‌سێلکه‌کان !
عه‌جه‌ب لاتان یاران عه‌جه‌ب لاتان
دوای هه‌زاره‌ی ئه‌و‌هه‌موو ڕۆژه‌هه‌ر دوورم !
له‌ته‌ک نامه‌ی هه‌نێ له‌مه‌هتابه‌کانی ووڵات ،
هه‌ر دوورم و دوور
عه‌جه‌ب لاتان یاران عه‌جه‌ب لاتان
به‌قه‌دی شه‌ونم و باڵی په‌روانه‌وه‌
قه‌دی چ پیره‌دارێکی سه‌ختم و
به ‌ته‌ڵه‌زمی ئه‌و هه‌موو حیکایه‌ته‌وه‌هێشتا
هێشتا بۆنی قڵیشێکم نه‌گرتوووه‌
هێشتا ڕووی ڕووتبوونه‌وه‌م به‌ته‌ورێ نه‌به‌خشیوه‌!
عه‌جه‌ب لاتان یاران عه‌جه‌ب لاتان
به‌م بێ باڵییه‌له‌مه‌له‌ی ئه‌و هه‌موو ئاوه‌قوڵانه‌ده‌ده‌م !
به‌م بێ ئه‌فڕاندنه‌شه‌ڕ به‌و هه‌موو ژنه‌مه‌غرووره‌ده‌فرۆشم !
به‌م بێ ساڵییه‌ی خۆمه‌وه‌
هه‌ڕه‌شه‌له‌و‌(چاخ)انه‌ی خوا ده‌که‌م !
عه‌جه‌ب لاتان یاران عه‌جه‌ب لاتان
به‌م نووکه‌قه‌ڵه‌مه‌وه‌من
چۆن فریای ئه‌و هه‌موو شیعره‌ده‌که‌وم من
چۆن فریای ئه‌و هه‌موو جه‌نگه‌ده‌که‌وم من
عه‌جه‌ب لاتان یاران عه‌جه‌ب لاتان
سه‌قه‌ری من
ئه‌م باخاتی ئاسمان و ڕێسمانه‌ئاگر نادا !
زریکه‌م نابێته‌باڵی کلیل و نافڕێ به‌و ده‌رگا
کڵۆم دراوانه‌ی دۆزه‌خدا !
عه‌جه‌ب لاتان یاران عه‌جه‌ب لاتان
حیله‌ی شیعرم ناگاته‌وه‌زه‌رده‌په‌ڕی هه‌ڵکوڕمانتان
شمشێری من ناگاته‌وه‌چاڵی ڕه‌شی به‌ئاگرتان !
عه‌جه‌ب لاتان به‌خه‌رمه‌نی ، ئه‌م ساڵه‌زه‌رده‌ڵانه‌وه‌
هێشتا نه‌بوومه‌ته‌وه‌به‌کوچه‌ی پڕهاواری هاوارێکتان !
هێشتا نه‌بوومه‌ته‌وه‌به‌کزه‌ی ئێواره‌ی سه‌ره‌مه‌رگێکتان !
هێشتا به‌م هه‌موو خۆڵه‌مێشه‌وه‌
نه‌بوومه‌ته‌وه‌به‌قه‌قنه‌سێکی عاشق !
عه‌جه‌ب لاتان یاران عه‌جه‌ب لاتان
هه‌تائێستاش
دره‌ختێکم له‌به‌ره‌بابی ئاینی عه‌شق و
ته‌ور فێری عه‌شق و
باهۆز فێری عه‌شق ده‌که‌م !
ته‌واشاکه‌ن
له‌چاوانما دوکه‌ڵ ده‌فڕێ و
دوکه‌ڵ چۆن پڕه‌له ‌مه‌ستایه‌تی ناو ئێواران !
ته‌واشاکه‌ن له‌چاوانما
سپیده‌ی شین
چ باخێ له ‌باخه‌ڵی بادا هه‌ڵده‌سێ و
باخیش چه‌ن پڕه‌به‌عیشوه‌ی هه‌ساره‌مێ !
خودایه‌له‌نانی سه‌بووری تۆ ، تۆ به‌شم به‌
باوه‌ک مناڵی لالێوی مێزی نانه‌وایه‌ک
به‌گه‌رمایی
په‌نجۆڵه‌کانم داچڵه‌کێن !
به‌نیگایه‌ک ،
به ‌نیگایه‌ک هه‌ر خودایی خودا ،
له‌و خاکه‌مه‌کر بازه‌وه‌ته‌ڕببمه‌وه‌!!
عه‌جه‌ب لاتان دڵدارانی سێوه‌و دیلان
دڵدارانی گه‌نم و ئاو
دڵم به‌م نیشتیمانی ڕووته‌نی و
به‌م خه‌رمه‌نی
ستیانه‌سه‌وز و سوورانه‌ ناکرێته‌وه‌
به‌م هه‌موو سێوی مه‌له‌ک و
به‌م هه‌موو نارنجه‌ئاودارانه‌ی خواوه‌
به‌م که‌نیشکه‌چنار باڵایانه‌ناکرێته‌وه‌!
عه‌جه‌ب لاتان
دڵم ته‌نگه‌و
له‌م ئاوانه‌
وه‌ک په‌روانه‌
په‌روانه‌یه‌کی بێ باڵی کوشتاری با
گه‌ڵایه‌ک نابێته‌قه‌یاغ بۆ هاتنه‌وه‌م
ئاگرێ وه‌ک نامه‌ی نه‌حس ترین ئاده‌م
نامخاته‌ناو سنووقه‌کانی خۆیه‌وه‌
به‌فرێ وه‌ک خۆی
ئێوارانم
نادا
به‌برژانگی په‌نجه‌ره‌چویتیه‌کانی ئێره‌وه‌
ڕۆمان نووسێکی سه‌ر قژن نایه‌و
جیا له‌ڕێگه‌کانی شیعر
ئه‌م هه‌موو کۆست وئه‌م هه‌موو ته‌نیاییه‌م بۆ خڕ کاته‌وه‌و
وه‌ک تووتنی بۆنداری پایپه‌که‌ی ده‌سیتی
به‌نه‌فه‌سێ
به‌زه‌رده‌دووکه‌ڵێکم کا و
وه‌ک ته‌مێکی چکۆڵه‌ی به‌ر جامی ئۆتۆمبێله‌قشتۆکه‌کان
له‌ته‌ک کزه‌یه‌کدا باڵ بگرم و من بێمه‌وه‌
ئاخه‌ر هاتنه‌وه‌ی پیاوێ له‌دووکه‌ڵ
گه‌ڕانه‌وه‌ی عیشقه‌به‌زمسان و
ناونووسکردنی ته‌مه‌سپیه‌کانی ناو سپیده‌یه‌بۆ خۆر !
ئاخه‌ر هاتنه‌وه‌ی پیاوێ له‌دووکه‌ڵ
گه‌ڕانه‌وه‌ی دڵۆپه‌یه‌
له‌گۆلاوه‌کانی ئه‌ردو
گه‌ڕاننه‌وه‌ی گوڵه‌له‌پایز و
گه‌ڕاننه‌وه‌ی ئاوه‌له‌وشکایی و
گه‌ڕننه‌وه‌ی چڵه‌له‌ڕه‌شه‌با و
گه‌ڕاننه‌وه‌ی پرووشه‌یه‌له‌خۆره‌تاو
عه‌جه‌ب لاتان یاران عه‌جه‌ب لاتان
هه‌تا ئێستاش خۆشم ده‌وێن !!

ادامه نوشته

...

چینی نازک تنهایی من...

به سراغ من اگر می آیید،

                     پشت هیچستانم !!!

پشت هیچستان جایی ست ،

   پشت هیچستان رگهای هوا ، پر قاصدکهایی ست ....

         که خبر می آرند

               از گل و افشره ی دورترین بوته ی خاک ....

 

 روی شن ها هم نقش های سم اسبان سواران ظریفی ست ...

که صبح ،

            به سر تپه ی معراج شقایق رفتند ...

 

پشت هیچستان ،

         چتر خواهش باز است !

  آدم اینجا تنهاست ...

ور در این تنهایی ،

            سایه ی نارونی تا ابدیت جاری ست ...

به سراغ من اگر می آیید ،

                  نرم و آهسته بیایید ...

   مبادا که ترک بردارد

                         چینی نازک تنهایی من ...

       

[e-mail]

www.xayal.tk

ادامه نوشته

بۆ چاوه‌كانی تۆ

به‌ ساماڵی ته‌نگه‌ی شلدا ، کۆترێ له‌سه‌ما ده‌فڕێ
به‌و سه‌مایه‌ ئه‌ی شه‌کره‌ کچ ، دڵم باخێ له‌گوڵ ده‌گرێ
خۆ به‌له‌ره‌ی تازه‌ لیمۆی ، باخی سه‌رسنگ ڕۆحم ده‌فڕێ
ده‌بم به‌دار لیمۆی شیعر ، به‌چوار لادا قه‌ڵه‌م ده‌فڕێ
چۆن هه‌ڵنه‌فڕێ گوڵه‌خاتوون ، هه‌ر گوڵێکت سه‌د به‌هاره‌
هه‌ر زه‌رده‌یه‌ک له‌تاقی لێو ، وه‌ک هه‌ڵاله‌ی تازه‌ داره‌
هه‌موو گیانت به‌ گوڵ بگرم ، له‌ڵاداشتی جوانیت که‌مه‌
هه‌موو گیانت له‌عه‌تر نێم ، له‌ڵاداشتی بۆنت که‌مه‌
له‌سپیده‌ی خۆت بڕوانه‌ ، حاڵی ده‌بی چ شیرینی
وه‌ک وه‌نه‌وشه‌ بۆ هه‌وێنی ، شیعر و ئه‌وین چ شیرینی
هه‌ر نێرگزه‌ و بۆ نازی ڕێ ، سه‌ری سڵی نه‌وی ده‌کا
هه‌ر ڕوباره‌ و بۆ هاژه‌ی سنگ ، سه‌ری شینی نه‌وی ده‌کا
ئیتر من چۆن ئه‌ی سێوه‌ کچ ، له‌به‌رده‌متا به‌لاڵ نایه‌م
جه‌رگ و دڵم به‌کون ناچێ و ، به‌سه‌ر بورده‌ی شمشاڵ نایه‌م
وه‌ره‌ ئه‌ی یار که‌مه‌ره‌ شل ، به‌فووی عیشق بمژه‌نه‌ تۆ
پیاڵه‌یه‌کم له‌باده‌ی تۆ ، ئه‌گه‌ر ده‌کرێ مه‌مڕێژه‌ تۆ

سپیده

ٍشیعری:ئیسماعیل خورماڵی

[e-mail]

www.xayal.tk

 

سپیده‌ت باش له‌ بولێڵێ ،

که‌پڕده‌بی له‌ قه‌تاری شووشه‌ وعه‌تری قاچاخ

له‌بولێڵێ که‌ پڕده‌بی  ،

له‌ جووت بوون و له‌ خه‌رمه‌نی

ئه‌و لێوانه‌ی ماچ وخاوبوونه‌وه‌ دێنن !

له‌ بووێڵێ که‌ پڕ ده‌بی  ،

له‌ بارێژه‌ وله‌ گه‌ڵای زه‌رد

له‌ دڵداری سه‌ده‌ی نان وفاڵ وساخته‌ !

له‌ بوولێڵێ که‌پڕده‌بی له‌و ده‌نگانه‌ی

هه‌میشه‌ هه‌میشه‌ له‌ودیو ،

کچێنی گیا و

له‌و دیو به‌رائه‌تی عیشق و

له‌ودیو ڕیحانه‌ی سیاوه‌

سوێن به‌ به‌رد وسوێن به‌ ئاو و

سوین به‌ ئایه‌ و

سوێن به‌ سووره‌تی موغارت ده‌خۆن !

هه‌نێ جاریش وه‌ک و ماسی

له‌به‌ر چیغی ماڵه‌کانی قه‌وزه‌وه‌

چاو به‌ ڕۆمانی قوڵایی ئاو و

قوڵایی کۆستدا ده‌خشێنن  !

سپیده‌ت باش له‌ بوولیلێ  ،

که‌پڕ پڕی له‌وساتانه‌ی

دره‌خت به‌ سێبه‌ر و ئاو

به‌ بۆڵ و هێشوی مه‌وجه‌وه‌ خه‌ڵتان ده‌بێ !

شار به‌ڕه‌نگ و

 شار به‌درۆ

به‌درۆی شاخدار سووا‌غ ده‌درێ  !

سپیده‌ت باش له‌بوولێڵێ

له‌ یه‌که‌مین ڕۆژه‌کانی تالوکه‌دا

که‌ پڕی له‌ قیژه‌ی شاخ و

قیژه‌ی باز و قیژه‌ی ده‌وه‌ن

که‌ پڕی له‌دوکه‌ڵاوی دوا ساتی ئاوایی سوتان

له‌ زیز بوونی ئێواره‌ی ناو شه‌قامه‌ جه‌نجاڵه‌کان

ئێواره‌ی ئه‌و ڕیگایانه‌ی

پڕن له‌ سڵاوی زه‌رده‌په‌ڕ و

پڕن له‌ سڵاوی خۆش گله‌یی و

پڕن له‌ گازنده‌ی ئه‌و کچانه‌ی

عاشقن و عه‌شق په‌روانه‌ی پڕوزاوه‌ !

چران و ده‌میان به‌دوکه‌ڵ ئاخێنراوه‌ !

ئه‌و کچانه‌ی شه‌مامه‌ن وشه‌مامه‌یان

خێسه‌ له‌ بیستانی یه‌خه‌ و به‌رۆک ده‌که‌ن 

له‌ په‌یامی هه‌ڵفڕێنی مه‌مدا

ئازادی ئه‌ودیو به‌رۆک و

سه‌مای ناو ئه‌وین وفڕین پیرۆز ده‌که‌ن  !

له‌ ته‌کت دام ئه‌ی نیشتیمان 

له‌و وه‌ختانه‌ی هه‌موان به‌ ژه‌هراوی ژیان ده‌مرین

هه‌موان به‌ داخی ئه‌م هه‌ساره‌ وێرانه‌یه‌وه‌  ده‌مرین

له‌ته‌کت دام ئه‌ی نیشتیمان

له‌و وه‌ختانه‌ی

هه‌موان سوواری جه‌جاڵی مردن ده‌بین و

هه‌موان وه‌ک یه‌ک  ،وه‌ک دوورگه‌کانی مالیزیا و

ماڵه‌کانی قه‌ڵا جوجکانی تۆفانی ئاسیا

به‌سه‌ر سه‌ری تۆفانه‌وه‌

سڵاوی مردن له‌ یه‌کتر ده‌که‌ین

به‌شه‌رمێکی دۆستانه‌وه‌

له‌ دۆزه‌خی ئاو ده‌پرسین !

له‌ ته‌کت دام ئه‌ی‌ نیشتیمان

له‌و وه‌ختانه‌ی

ڕیشۆڵه‌مه‌کربازه‌کان

له‌ گۆلاوی به‌فرا

به‌بارووتی ڕاوچیه‌کان ده‌خنکێن و

گوڵه‌مێکانی* به‌یروت * یش

وه‌ک هه‌ره‌ وردیله‌ ڤنس وکه‌نارییه‌کان

به‌سه‌ر چڵی به‌فر وشه‌قامی شاره‌وه‌

به‌ بارووتی به‌یته‌کانی * نزار * ده‌خنكێن و

گوڵه‌مێکانی خۆشمان وه‌ک په‌روانه‌

له‌ باڵکۆنی هه‌زار ویه‌ک گوڵدا ،

له‌ باڵکۆنی هه‌زارو یه‌ک شیعرا ،

له‌باوه‌شی ده‌یان قه‌ڵه‌مدا ده‌فڕن وده‌نیشنه‌وه‌

ده‌نیشنه‌وه‌و ده‌فڕن !!

له‌ته‌کت دام ئه‌ی نیشتیمان

له‌و وه‌ختانه‌ی دڵدار وعاشقانی تۆ

بۆ به‌ر هه‌یوانی بزه‌یه‌ک

زه‌رده‌خه‌نه‌یه‌کی لای شه‌م

وه‌ په‌یژه‌ی هه‌زاران هه‌زارهه‌ساره‌داهه‌ڵده‌زنین و

له‌ جێ ژووانی دوعایه‌کدا

به‌ سه‌‌قه‌ری شه‌رمێکه‌وه‌

به‌هه‌شتی خوا وه‌ لا ده‌نێن و

جه‌هه‌نه‌مێ هه‌ڵده‌بژیرن

جه‌هه‌نه‌مێ

نیشتیمانی به‌دمه‌ستان وهه‌موو کچه‌ کوژراوه‌کان !

نیشتیمانی گوناه وئاگر وجوانی !

نیشتیمانی بازی مه‌م و فڕینی مه‌م

باده‌ وساقی

له‌ جێ ژووانی دۆعایه‌کدا

به‌سه‌قه‌ری شه‌رمێکه‌وه‌

قه‌ڵه‌م بڕێ

له‌ کاڵه‌کی پاڕاننه‌وه‌ ڕاده‌ده‌ن و ده‌ڵێن :

خودایه‌ تۆ

ماڵه‌کانمان

 پڕکه‌ له‌ دوکه‌ڵ وله‌ جریوه‌

ده‌قه‌کانمان پڕکه

 له‌ بوێری

له‌ جورئه‌ت وله‌عیشقی مێ !

به‌هه‌شت بۆ تۆ و

ئێمه‌ ته‌نێ ڕه‌نگه‌کانی

ناو باڵی که‌نارییه‌کانمان به‌سه‌ بۆ ژیان !

به‌ هه‌شت بۆ تۆ و

ئێمه‌ته‌نێ ده‌نگ ونووزه‌ی

هه‌رزاڵێکی ووشکمان به‌سه‌ بۆ ژیان 

له‌ ته‌کت دام ئه‌ی نیشتیمان

له‌و وه‌ختانه‌ی * مینا *

به‌کراسێکی سیم داری قورمزه‌وه‌

له‌ تازه‌ دێ ،  تا ده‌گاته‌ پێنی دێ

به‌ مه‌وجێ له‌ چوون و له‌ جوانی

به‌ دووهه‌ناری سه‌ر سنگ و

به‌دووبۆڵی پڕتیشکه‌وه‌

به‌فری هاوسێ و دڵی هاوسێ و

به‌ردی هاوسێ به‌ دین ده‌با !

له‌ولاشه‌وه‌ که‌ دێته‌وه‌

 ‌هه‌مان به‌ژنی شووشه‌ ئاسا و

هه‌مان نازی هه‌ناران و

مه‌مۆله‌ی ژێر کراسی ته‌ڕ

چاوی ته‌ڕ ونازی ته‌ڕو

گه‌مه‌ی که‌روێشکه‌هه‌تاوی ، ناوچیمه‌نی به‌فر و

گه‌مه‌ی له‌شی ژێر کراسی ته‌ڕ وقورمز

دیسان به‌ور و

دیسان به‌رد و

دیسان هاوسێ به‌ دین ده‌با !

له‌ ته‌کت دام ئه‌ی نیشتیمان

له‌ودیو هه‌ڵبرژانی به‌فر و

ڕه‌قبوونه‌وه‌ی پێی ئاگردا

له‌ودیو تنۆی ناو ستیان و

له‌ودیو گوڵستانی عیشق و

ئاونگی سه‌ر هه‌رمێ ی ( مینا ) و

له‌ودیو چۆڵستانی خه‌میشه‌وه‌

له‌ ته‌کتدام ئه‌ی نیشتمان

ئه‌ی ووڵاتی ئاونگ و گوڵ

په‌روانه و گوڵ

شه‌‌‌هید و گوڵ

من له‌گه‌ڵتام !!

سپیده‌ت باش ئه‌ی نیشتمان له‌ بوولێڵێ

که‌ پڕ پڕی له‌ پرسیاری چۆله‌که‌ نه‌گبه‌ته‌کان و

له‌ سێبه‌ری کێله‌ نه‌گبه‌ته‌کان !!

که‌ پڕ پڕی له‌ توڕه‌یی ئه‌و شیعرانه‌ی

توڕه‌ن له‌ ڕه‌وه‌ز و

توڕه‌ن له‌ باز

توڕه‌ن له‌و پیاوانه‌ی

له‌ قرچه‌دا به‌فری درۆ دێنن

له‌ به‌فردا دارستانێ به‌ گڕه‌وه‌ دێنن !!

توڕه‌ن ،توڕه‌ن ئاله‌و شاعیرانه‌ی

شیعر به‌ شه‌ر‌ت ده‌نوسن و

شیعر

 به‌ شه‌ر‌ت به‌و که‌نیشکانه‌ ده‌به‌خشن

له‌ ته‌واشای ڕووت بوونه‌وه‌ و

ته‌واشای ئێواره‌ لیمۆ و

له‌ شه‌لالی

جوانیان بێ به‌شیان ناکه‌ن !!

زه‌مانه‌یه‌ ئه‌ی نیستمان زه‌مانه‌یه‌

سه‌رده‌مانێ ئێمه‌ش که‌سمان ڕازی نه‌بووین

وه‌ک په‌روانه‌ ده‌می مردن

له‌ سێبه‌ری باخچه‌یه‌کدا بمانێژن !

وه‌کو ماسی ده‌می ده‌مردن

ته‌نها چه‌م و کچانی ئاو

به‌‌‌‌‌‌‌حیکمه‌ت ومه‌له‌ و ئه‌وینمان بزانن !!

زه‌مانه‌یه‌ ئه‌ی نیشتمان زه‌مانه‌یه‌

ده‌بێ ژیان

تاماوی چ ژه‌هرێکی لێ بتکێ

وه‌ختێ کۆتره‌کانی عیشق

به‌‌گمه‌وه‌ هه‌ڵده‌پڕوزین !

وه‌ختێ

(مۆنالیزا )کانی ووڵات

مینا وه‌نه‌وشه‌ی چه‌م سیاو

به‌ ستیانی چکۆڵه‌ی هه‌زار ڕه‌نگه‌وه‌

ووشک هه‌ڵدێن !!

نه‌ده‌میان به‌ ماچێ ده‌گاو

نه‌ ڕۆحیان به‌ ختوکه‌یه‌ک ته‌ڕ ده‌بێته‌وه‌ !

ده‌بێ ژیان

تامی چ ژه‌هرێکی بات

وه‌ختێ به‌فر

ده‌می بارین و پرووشه‌

له‌سه‌ر برژانگی عه‌یاره‌ کچێ

داده‌نیشێ

لێ ی دانیشێ و

به‌ده‌می ته‌وسه‌وه‌ بڵێ :

یارانی خاک

هه‌موو ساڵێکتان به‌خۆشی

شاخ و شه‌هید

گوڵ و قه‌یره‌

هه‌موو ساڵێکتان به‌خۆشی

له‌ هه‌زاره‌یه‌کی نوێ و

له‌ ساڵێکی نوێ

به‌ده‌می ته‌وس وژه‌هری ته‌شه‌ره‌وه‌ بڵێ

 

یارانی خاک به‌خاک بڵێن :

سڵاو خاکی داماو سڵاو

به‌رد ده‌گریه‌ و

ئاو ده‌گریه‌ و

سیاسه‌ت بازه‌کانی تۆش هه‌ر ده‌خه‌نن !

ئاسمان ده‌گری و

هه‌ساره‌ و باران قژ ده‌ڕنن

سیاسه‌ت بازه‌کانی تۆش هه‌ر ده‌خه‌نن !

زه‌مانه‌یه‌ خاکی داماو

 زه‌مانه‌یه‌

ڕۆیی شاخ و شه‌و شۆڕش ڕۆیی

ڕۆیی خوێن و خه‌ون و خه‌رمانه‌ ڕۆیی

ئه‌مێستا کێ

به‌ڵاڵوکی موحیبه‌تێ

له‌نێو ده‌می ئه‌م ڕۆژانه‌ت ده‌نێ

ئه‌وین به‌ تاڵانی ده‌ڕوا و

عه‌تر به‌ نارنجۆکی قاچاخ و

نارنجۆکیش

وه‌ی

 وه‌ی له‌ نازی نارنجۆک

به‌مسکی ئاین ده‌مه‌شێ و

به‌ تکتی به‌هه‌شت ده‌مه‌شێ !!

وای خودایه‌ ئێمه‌ و وه‌ته‌ن

چه‌نه‌ پڕین له‌ تالووکه‌

له‌ ده‌مێکدا

پیریمان خولیای گه‌نجیه‌ و

وه‌ک هه‌نووکه‌ له‌ ئێواران

له‌ چڵی ژه‌هر چایه‌ک و

له‌ پایزی شیعر

دێڕی سه‌خت و دڵی سه‌خت

وای له‌ پایز

وای له‌ دڵ و

دێڕی سه‌خت

تازه‌ گوزه‌شت ئه‌و ڕۆژانه‌ی

من له‌ عیشقا

به‌رماڵم به‌ به‌رماڵه‌که‌ی سندیباد و

غه‌زه‌لم به‌ غه‌زه‌لی وه‌فایی ده‌ڕۆی !

سڵاو په‌روانه‌ مێ سڵاو

سڵاو کچه‌کانی ووڵات سڵاو

تاک تاک وه‌رن

سه‌رتان بنێن به‌ سنگمه‌وه‌

سێبه‌ری هه‌ر تاڵه‌ موویه‌ک ده‌ڕۆن

وه‌کو ئه‌وسا

پڕه‌ له‌ ئاگر و

پڕه‌ له‌ ختوکه‌ و

پڕه‌ له‌ قه‌سیده‌ !!

به‌ر په‌نجه‌ره‌ی هه‌ر باسوقه‌

گۆشتێکی من ده‌ڕۆن

پڕه‌ له‌ ئازادی و

پڕه

‌ له‌ ئه‌ندێشه‌ی هه‌زار ڕه‌نگه‌ و

پڕه‌

 له‌ گه‌نمی به‌ که‌روێشکه‌ی هه‌ڵاژانتان !

دره‌ختێکی ڕه‌شتاڵه‌م و مینا جاران

به‌فر به‌ ئاڵۆش و

ئاڵۆش به‌ به‌فرتان ده‌ده‌م !

درۆ ناکه‌م په‌روانه‌ مێ درۆ ناکه‌م

ڕێ ی شه‌قامی هه‌ر باڵێکم بڕۆن

پڕه‌ له‌ ئێواره‌ و

پڕه‌ له‌ سرودی نازتان !!

ده‌بێ ژیان

تامی چ ژه‌هرێک بات

وه‌ختێ به‌فری سه‌ر برژانگ و

به‌فری میوان

به‌ده‌می ته‌وسه‌وه‌ بڵێ

یارانی خاک به‌خاک بڵێن

کێ ده‌زانێ هه‌نوکه‌ تۆ

بۆ خوڕه‌می عه‌تری دزراو ده‌گریت ؟

یان یان بۆ ئازادی دزراو ده‌گریت ؟

کێ ده‌زانێ هه‌نوکه‌ تۆ

که‌شتی برینی ئه‌مجاره‌ت

ده‌گاته‌ ڕۆخ

یان هه‌ر له‌ڕێ

 غه‌ور ده‌بێ و

نیشتیمانیش

 وه‌ک زۆرمان ، گۆڕ غه‌ریب ده‌بێ !

 یان ئه‌ویش وه‌ک هه‌نێ شه‌هید

به‌شی به‌شی

 نه‌ختێ حه‌رف و

به‌شی

 تۆزێ شمشاڵ ده‌بێ !

شه‌یپوور ده‌گری‌ و سنوور ده‌گری و

سیاسه‌ت بازه‌کانی تۆش هه‌ر ده‌خه‌نن !!

ئه‌ی نیشتیمان

 

    [e-mail]

www.xayal.tk      

ادامه نوشته